LAJMPRESS: Toyota tërheq nga tregu mbi 1 milion makina

Toyota tërheq nga tregu mbi 1 milion makina
================================================================================
lajm gazeta on 31/01/2010 11:04:00
 
Kompania japoneze e prodhimit të makinave, Toyota, një prej kompanive më të
mëdha në botë, ka njoftuar tërheqjen e një seri makinash nga tregu.
Gati dymilion makina janë tërhequr nga tregu në Evropë, për shkak të
shqetësimeve për një defeket që lidhet me pedalet e shpejtësisë.
Më herët kompania njoftoi tërheqjen e 2.3 milion makinave në SHBA për të
njëjtën arsye.
Tetë modelet që po tërhiqen janë AYGO, iQ, Yaris, Auris, Corolla, Verso,
Avensis dhe RAV4, data e prodhimit të të cilave shkon deri në shkurt 2005.
Ky vendim nuk prek modelet Lexus.
"Ne e kuptojmë se situata aktuale po krijon shqetësime dhe për këtë na vjen
shumë keq," tha Tadashi Arashima, shefi ekzekutiv i Toyota Motor për Evropën.
Toyota tha se nuk ishte në dijeni të ndonjë aksidenti dhe vetëm një numër
i kufizuar incidentesh që kanë të bëjnë me pedalet e shpejtësisë, ishin
raportuar në Evropë.
Një shitës i makinave Toyota në SHBA e quajti zhgënjyes këtë zhvillim.
"Toyota ka qënë gjithmonë një lider përsa i përket cilësisë, qëndresës
dhe besimit," tha Bob Page.
Por Toyota nuk është e vetme. Rivalja e saj Honda njoftoi se po tërheq 640
mijë makina, për shkak të një problemi me dritaret.
Kompania është e shqetësuar për një rrezik zjarri, pas vdekjes së një
fëmije në Afrikën e Jugut. /bbc/