LAJMPRESS: Tërmeti i fuqishëm godet Kilin

Tërmeti i fuqishëm godet Kilin
================================================================================
lajm gazeta on 28/02/2010 11:16:00
 
Një tërmet i fuqishëm pothuajse nëntë ballësh sipas shkallës Richer ka
goditur Kilin.
Ky është tërmeti më i fuqishëm që ka goditur vendin në gjysëm shekulli.
Të paktën 78 persona kanë vdekur dhe ka patur dhe dridhje të fuqishme toke
pas tërmetit.
Presidentja Michelle Bachelet, e shpalli zonën qendrore të vendit zonë
katastrofe dhe u ka apeluar kijanëve që të ruajnë gjakftohtësinë.
Tërmeti ka gjeneruar dhe një cunami dhe janë bërë paralajmërime për
gjithë rajonin e paqësorit nga Meksika, deri në Zelandën e re dhe Japoni.
Dridhje në Santiago
Epiqendra e tërmetit ishte pranë qytetit Concepcion dhe komunikimi me të
ishte i vështirë për disa orë.
Imazhet e para televizive nga qyteti tregojnë ndërtesa të rrënuara dhe
rrugë të shkatërruara.
Ekipet e shpëtimit janë dërguar në rajon, por ende nuk dihet shkalla e
dëmit të shkaktuar prej tij.
Një numër viktiamsh janë njoftuar dhe nga zonat e tjera të Kilit.
Ndërtesa të rrëzuara ka patur dhe në dhe përreth kryeqytetit, Santiago ku u
ndjenë dridhje të fuqishme deri për 30 sekonda.
Banorë të kryeqytetit, Santiago, mbi 300 km larg nga epiqendra thanë se
tronditjet i kishin zgjuar nga gjumi.
Tërmeti u ndje dhe në zonën e Andeve në Argjentinë.
Viktima
Presidentja Michele Bachelet udhëtoi shkoi menjëherë në një qendër
emergjence në kryeqytet, ku po koordinohen operacionet e shpëtimit për të
mësuar se sa të rëdna ishin pasojat e tërmetit.
Znj. Bachelet bëri thirrje për të ruajtur gjakftohtësinë dhe konfirmoi se
kishte njoftime për viktima. Ajo tha se numri i tyre mund të rritej.
Ajo tha se autoritetet ishin duke punuar për të mësuar se si ishte prekur
rajoni nga tërmeti- cila ishte gjendja e rrugëve, spitaleve dhe numrin e
viktimave dhe të lënduarve.
Paralajmërim për cunami
Shërbimi gjeologjik amaerikan tha se epiqendra e tërmetit ishte në thellësi
rreth 35 km nën sipërfaqen e tokës.
Është lëshuar një paralajmërim për cunami për Kilin, Ekuadorin,
Kolumbinë dhe Panamanë.
Tërmeti më i fuqishëm i shekullit të njëzetë, 9.5 ballësh e goditi Kilin
në vitin 1960 dhe la 6 mijë të vrarë.
Ai shkaktoi dallgë gjigande mijëra km larg nga vendi.
Vetëm vitin e shkuar, vendi u godit nga dy tërmete të fuqshme. /bbc/