LAJMPRESS: Zvicër, Serbi plagosë kosovarin

Zvicër, Serbi plagosë kosovarin
================================================================================
lajm gazeta on 15/04/2010 07:42:00
 
Në një zonë industriale në Regensdorf të Zvicrës, të hënën pasdite
është shkaktuar një zënkë ndërmjet një kosovari 31 vjeçar dhe serbit 38
vjeçar, bëjnë të ditura mediat zvicerane. Nga komunikata e Policisë
kantonale të Zürichut mësohet se pas zënkës së shkurtër, serbi ka
nxjerrë pistoletën dhe ka shtënë në drejtim të kosovarit, duke e qëlluar
atë në qafë. Kosovari i plagosur ka arritur që të shkojë deri te spitali
më i afërt, ku i është dhënë ndihma e parë mjekësore. Nga ana tjetër,
pas veprës së kryer, serbi i është dorëzuar policisë zvicerane. Motivi i
zënkës dhe rrjedha e saktë e ngjarjes ende nuk dihen. Ndaj shtetasit serb
është ngritur kallëzim penal.