LAJMPRESS: Aliu dënohet me burg të përjetshëm

Aliu dënohet me burg të përjetshëm
================================================================================
lajm gazeta on 05/02/2010 09:09:00
 
Gjykata Themelore në Shkup të enjten gjatë një seance gjyqësore dënoi me
burg të përjetshëm tre ish-pjesëtarët e UÇK-së, Harun Aliun, Ismail
Etemin dhe Bashkim Bajramin. Tre personat e lartpërmendur akuzohen për vrasjen
e një pjesëtari të forcave speciale maqedonase “Tigrat” në janar të
vitit të kaluar në lagjen Autokomandë të Shkupit. Gjykata gjithashtu ka
dënuar me tre vite burg edhe Bekim Dardhishtën, i cili sipas tyre ishte i
involvuar në këtë rast. Avokati i tyre Elenko Milanov theksoi se dënimin
është shqiptuar në mungesë të fakteve, që sipas tij, në një sistem
normal të drejtësisë kjo nuk do të ndodhte. Harun Aliu është kryetari i
Alternativë Kombëtare dhe ish-komandant i UÇK-së.