LAJMPRESS: OSBE, respekt ndaj Komitetit për marrëdhënie ndëretnike

OSBE, respekt ndaj Komitetit për marrëdhënie ndëretnike
================================================================================
lajm gazeta on 19/03/2010 08:52:00
 
Një komitet funksional kuvendor për marrëdhënie midis bashkësive do të
jetë një hap përpara për krijimin e marrëdhënieve të mira dhe për
zvogëlimin e mosmarrëveshjeve. Kjo thuhet në deklaratën me shkrim të
Organizatës për Siguri dhe Bashkëpunim në Evropë (OSBE) për Radio Evropën
e Lirë, lidhur me disa takimet e pambajtura të Komitetit për marrëdhënie
midis bashkësive në Kuvendin e Maqedonisë. “I krijuar me Marrëveshjen
kornizë të Ohrit, ky Komitet ishte paraparë të jetë forum kryesor për
dialog midis bashkësive. Është për keqardhje që ky Komitet nuk mund të
takohet në katër sesionet e fundit”, thuhet në deklaratën e OSBE-së.