LAJMPRESS: Harun Aliu, viktima e katërt në incident

Harun Aliu, viktima e katërt në incident
================================================================================
lajm gazeta on 13/05/2010 07:39:00
 
Harun Aliu, për të cilin ekziston fletarrest dhe i cili në mungesë është
dënuar me burg të përjetshëm për shkak të vrasjes së një polici, është
njëri nga 4 të vrarët në aksionin e djeshëm policor në afërsi të fshatit
Radushës, meson ALSAT-M. Aliu konsiderohej si organizator i grupit i cili në
shenjë hakmarrjeje për aksionin policor në fshatin Brodec, në 3 janar të
vitit 2008 sulmoi një xhip të policisë, gjatë të cilit sulm u vra polici
Zoran Markovski, ndërsa katër kolegë të tij u plagosën. Nga koha e këtij
sulmi Aliu ishte në arrati dhe u dënua në mungesë. Ndryshe Harun Aliu ishte
politikisht aktiv si drejtues i partisë Alternativa Kombëtare dhe është
njëri ndër njerëzit që ka dhënë kontrubut të madh në formimin e
Ushtrisë Çlirimtare Kombëtare. /alsat-m/