Steve Jobs shpallet drejtori i dekadës

Revista amerikane ‘Fortune’ e ka shpallur drejtorin e përgjithshëm të kompanisë Apple, Steve Jobs si drejtorin e dekadës, duke e krahasuar atë me personalitete të shquara në botë, të tillë si Henry Ford dhe Conrad Hilton. Revista ‘Fortune’ e shpalli si “Drejtorin e Dekadës” kreun e Apple, Steve Jobs, i cili e ka shpëtuar kompaninë Apple, shkaktoi një revolucion në muzikën në internet, ka krijuar “smartphone-in” më të mirë në botë dhe e ka ngritur kompaninë Pixar si njërën ndër kompanitë dominuese në animacione kompjuterike. Steve Jobs ka arritur të riorganizojë katër industritë-kompjuterët, muzikën, filmin, dhe atë të telefonave mobil, dhe kjo konsiderohet me të drejtë si një arritje e paparë. "Shpesh është shpallur shou-men, tregtar i lindur, një magjistar që ndryshoi perceptimin me realitetin, tiran-perfeksionist, etj" thotë ‘Fortune’. "Kjo është, natyrisht, tërësisht e saktë dhe absolutisht kontribuon për krjimin e një legjende, rreth tij."