Skype arrin marrëveshje me Ebay dhe të tjerët

Sipas të gjitha gjasave Skype pritet të vazhdojë funksionimin në rrugë normale. Kjo për shkak se një marrëveshje më në fund është arritur mes palëve, që përfshinë eBay dhe formuesit e Skype, Niklas Zennstrom dhe Janus Friis. Beteja legale mes tyre ka filluar kur eBay është pajtuar të shes pjesëmarrjen e aksioneve prej 65% në Skype, te Silver Lake Partners me 1 shtator të këtij viti. Formuesit e Skype paditën në gjyq, duke deklaruar se eBay po shkelë të drejtat e kopjimit. Dhe në fakt dokumentet treguan se eBay në asnjë moment nuk ka qenë pronare e teknologjisë bërthamë prapa Skype, që quhet Global Index. Sipas marrëveshjes, Zennstrom dhe Friis, do t’i bashkëngjiten grupit investues që po blen Skype. Ata do të kontribuojnë me softuer nga ndërmarrja e tyre e re, Koltid. Në kthim, ata do të pranojnë një pjesëmarrje aksionesh prej 14% në Skype. Kur të përfundojë shitja, eBay do të paguhet me një vlerë prej 1.9 miliard dollarë. Megjithëse, kjo është shumë më pak sesa çmimi origjinal i blerjes së Skype. Gjithashtu, shtëpia e ankandeve online do të ketë 30% të aksioneve të Skype