Fundi i Windows Mobile?!

Nëse iPhone nuk e ka eleminuar Windows Mobile nga tregu, këtë mund ta bëjë Motorola Droid. Windows Mobile po humbet çdo lloj autoriteti në fushën e sistemeve mobile-nëse ndonjëherë ka pasur një vend për të qënë në këtë fushë. Ndërkohë, Droid i Motorola-s, me sistemin e tij android 2.0 rrit akoma më shumë presionin në sistemin për smartphone dhe PDA të Microsoft. Është pothuajse unanim opinioni i përgjithshëm, në web dhe jashtë tij se megjithë suksesin e padiskutueshëm të SO-së së ri në desktop, Windows nuk ka më vend në platformat mobile. Kështu, një shkrim në ‘PCWorld’ pyet “A ka vendosur Microsoft bastin e fundit në platformat mobile?”. Artikulli citon gjithashtu një studim nga Canalys i cili paraqet degradimin e tregut të Windows Mobile nga 13.9 përqind në vitin 2002 në 9 përqind në 2009. Gjithashtu kemi dhe faktorin intel: kompania prej kohësh kërkon një të ardhme në fushën e elektronikës së telefonisë, në ndjekje të Texas instruments që sot pajis me chipet e sajë markat më të njohura të smartphonëve si iPhone, BlackBerry etj dhe sigurisht nuk mund të bashkohet për këtë qëllim me alternativën e Microsoft. Binomi kaq i suksesshëm Wintel i desktopit, këtu nuk do të funksiononte aspak. Në përfundim, i shumëprituri Droid mund të mos jetë asgjësuesi i iPhone, por telefonat e gjeneratës së tij po mbase po vendosin fundin e Windows Mobile.