Belgjikë, përplasen dy trena pasagjerësh

Zyrtarë të hekurudhave thanë se dy trenat u përplasën në periudhën e ngarkuar të mëngjesit në Halle, në jugperëndim të Brukselit.

Kreu i bashkisë lokale i tha medias belge se të paktën 20 persona humbën jetën, por zyrtarë të hekurudhës nuk mund ta konfirmonin këtë shifër.

Mediat thanë se trenat u përlasën në kushtet e dëborës.

Punonjësit e shërbimeve të shpëtimit thanë se janë dëmtuar dhe linjat e rrjetit elektrik.

Ndalohen trenat

Udhëtimet me trena në zonë janë pezulluar, mes tyre dhe linja e shpejtë mes Parisit dhe Brukselit.

Janë anuluar çër momentin dhe shërbimet e Eurostar-it.

Nuk ka ndonjë shenjë të dukshme për shkakun e përplasjes, por ajo ndodhi pas një fundjave me dëborë dhe ngrica në Belgjikë.

Në vitin 2001 tetë persona u vranë dhe 12 u plagosën gjatë përplasjes së dy trenave pasagjerësh jashtë Brukselit.

Në një aksident tjetër në 2008-ën, 40 persona u plagosën nga përplasja e një treni pasagjerësh me një tren mallrash në qendër të Belgjikës, sipas agjensisë AFP: