Greqia paralizohet sërish nga greva

Hapësira ajrore e vendit do të jetë e mbyllur në 24 orët e ardhshme, ndërsa anijet mbeten të bllokuara në porte.

Punonjësit e policisë, doganave dhe zjarrëfikësit gjithashtu planifikojnë të bashkohen me grevën.

Një korrespondent i BBC-së thotë se qeveria e kupton zemëratën publike kundër rritjes së taksave dhe shkurtimeve të rrogave, por refuzon që t'i zbusë këto masa.

Drejtori i federatës së punëtorëve i ka akuzuar grevistët se duan ta kthejnë Greqinëe në një vend për t'u mëshiruar.

Greqia ka një deficit prej 12.7 % , katër herë më të lartë se ç'lejohet në eurozonë. Qeveria ka vendosur ta ulë këtë deficit në 8.7 % këtë vit, dhe të zvogëlojë borxhin kombëtar duke shkurtuar rrogat e punonjësve të shërbimeve publike, duke ngritur moshën e pensionit dhe duke rritur tvsh-në.

Bashkimi Evropian ka premtuar ta ndihmojë Greqinë, por nuk kanë shpallur ende masa konkrete./bbc/