Ushtarët homoseksualë holandezë nuk ndaluan masakrën e Srebrenicës

Një ish gjeneral amerikan thotë se trupat holandeze dështuan të ndalonin masakrën e Srebrenicës në vitin 1995 ku u vranë gati 8 mijë burra myslimanë, pjesërisht për faktin se batalioni i tyre përfshinte ushtarë homoseksualë.
Xhon Shin, komandant i lartë i NATO-s në vitet 1990 dëshmoi para një komisioni të senatit amerikan dje se ish shefi i shtabit të ushtrisë holandeze i kishte thënë se ushtarët e tij homoseksualë ishin pjesërisht përgjegjës për mos ndalimin e masakrës së kryer nga serbët e Bosnjës.
Ai tha se trupat holandeze që shërbyen si paqeruajtës së OKB-së dhe ishin të ngarkuar të mbronin Srebrenicën ishin të pafuqishëm dhe të keqdrejtuar.
Ambasadorja e Holandës në Shtetet e Bashkuara, Rene Xhons-Bos nuk ra dakord me komentet e gjeneralit Shin. Ambasadorja tha se është krenare për politikën e hapur të vendit të saj ndaj homoseksualëve në ushtri.
Një zëdhënës i Ministrisë së Mbrojtjes së Holandës, Rxher Van De Vetering tha se komentet e gjeneralit ishin totalisht të pakuptimta.