Rrokulliset vetura e zv.kryeministrit Manaj

Zëvendëskryeministri i Kosovës, Ramë Manaj, ka pësuar një aksident, me veturën e tij zyrtare.

Aksidenti ka ndodhur sot në mëngjes, në rrugën Pejë - Prishtinë, pikërisht në fshatin Arllat, konfirmoi për Express zëdhënësi i policisë, Baki Kelani. "Në fakt, ka qenë vetaksident", shtoi ai.

Vetura “Taureg” me të cilin po udhëtonte Manaj, së bashku me tre persona të tjerë, është rrokullisur dhe ka dalë jashtë rruge, raporton Radio Blue Sky.

Sipas informacioneve të para, Manaj dhe personat e tjerë në veturë, kanë shpëtuar pa lëndime serioze.