Vritet një shqiptar në Mitrovicë

31 vjeçari Haki Mehmeti është qëlluar për vdekje mbrëmjen e së martës në lagjjen “Kodra e Miantorëve” në veri të Mitrovicës, njofton Policia e Kosovës.
Zëdhënësi i Policisë për Mitrovicën, Besim Hoti, tha për Radion Evropa e Lirë se ngjarja e ndodhur në ora 21.40 është klasifikuar si krim i rëndë nga autoritetet e rendit, por ende nuk dihen motivet apo autori.
Policia qysh mbrëmë ka marrë në pyetje disa persona si dëshmitarë të mundshëm. Hoti për Radion Evropa e Lirë tha se policia po kërkon një automjet golf me ngjyrë të bardhë, pa targa, nën dyshimin se ka lidhje me vrasjen e Mehmetit. /evropa e lire/