Fuere e dënoi incidentin në sheshin "Maqedonia"

Incidenti në sheshin "Maqedonia" është përfundimisht i dhimbshëm dhe serioz, vlerësoi sot euroambasadori Ervan Fuere, duke u përgjigjur në pyetjen e gazetëve pas tribunës së sotme në Veles "Mësojmë për BE-në".
"Është e vërtetë se incidente të ngjashme të këtilla do të gjeni në mbarë Evropën, por nga ana tjetër ajo që një incident i këtillë po ndodh në qendër të kryeqytetit është shumë i dhimbshëm. Maqedonia është vend shumetnik dhe në të vërtetë ky është përfitimi i saj më i madh dhe bëhen orvatje më të mëdha dhe duhet të bëhen me qëllim që të promovohet toleranca dhe mirëkuptimi", deklaroi Fuere.
Sipas tij, nevojiten gjithnjë e më shumë përpjekje për promovimin e shoqërisë tolerante, në frymën e Marrëveshjes së Ohrit.
"Rëndësia e Marrëveshjes së Ohrit është në atë që ta promovojë Maqedoninë në thelbin e saj, e ajo është shoqëria multietnike dhe në këtë qëllim duhet të përforcohen të gjitha përpjekjet që kjo të arrihet. Me këtë reflektohet edhe orvatja e madhe, që pritet - të bëhet, të promovohet një shoqëri, e cila është multietnike, e cila do të jetë më tolerante", theksoi Fuere./mia/