Gjykohet tre zviceran që rrahën shqiptarët

“Edhe sot e kësaj dite, mandanti im është duke vuajtur nga pasojat”, ka pohuar avokatja Gabriele Schöch, para trupit gjykues për një shtetas maqedonas të hendikepuar dyzetetrevjeçar, i cili u rrah brutalisht nga të rinjtë zviceranë. Në mbrëmjen e vonë të datës 30 qershor të vitit të kaluar, tre nxënësit zviceranë kishin rrahur brutalisht pesë persona. Akuza i ngarkon ata për veprën penale “tentim vrasjeje”. Në të vërtetë, pas përfundimit të shkollimit, ata kishin vendosur që të vazhdojnë shkollimin në Mynih. Para se të kryenin veprën, ata në stacionin hekurudhor kishin blerë alkool dhe marihuanë. Në parkun “Nussbaumpark” ata kanë filluar të godasin tre shtetas maqedonas të papunë, të moshës 43, 55 dhe 64-vjeçare. Pasi që njëri nga ta ishte i hendikepuar dhe i paaftë për vetëmbrojtje, ata kanë goditur në mënyrë të pamëshirshme. Menjëherë pas kësaj, ata arrestohen nga policia, ndërsa testi i gjakut ka dëshmuar se ata kanë pasur prej 0,01 deri 0,89 promilë alkool në gjak. Procesi gjyqësor është duke u zhvilluar me dyer të mbyllura, ndërsa do të dëshmojnë 34 dëshmitarë. Vendimi pritet të merret më 6 prill.