Gazi Baba s’e çanë kokën për shqiptarët

Në fshatin Hasanbeg të Shkupit, banorët vendas pohojnë se reshjet e borës përveç që shkaktuan probleme të rrugëve dëmtuan edhe shtëpitë e tyre. "Çdoherë kemi probleme me reshjet e shiut dhe të dëborës. Askush nuk merr masa për këtë fshat. Dëbora ka shkaktuar dëme materiale të mëdha pasi ujë është futur nëpër bodrume dhe ka shkaktuar dëme të ushqimit", tha Nexhat Abdullai. Ndërkaq nga komuna e Gazi Babës nuk kanë dalë në ndihmë pasi pohojnë se nuk janë të njoftuar për këtë problem. "Nuk kemi informata që banorët e Hasanbegut ballafaqohen me këtë problem. Detyra jonë është që t’i pastrojmë rrugët nga të reshurat e borës kurse banorëve që uji iu ka hyrë nëpër shtëpi vetë duhen të kujdesen për këtë problem", tha Emilija Kiproska. Banorët e Hasanbegut të rrethinës së ekonomisë thanë se tokat e mbjella me perime janë mbuluar nga uji dhe askush nuk merr masa për këtë problem", tha Abdullai.