Merren në pyetje aktivistë të “Realiteti”

Zyrtarë të Ministrisë së Punëve të Brendshme (PMB), gjegjësisht shërbimi shtetëror, ka marrë në bisedë informative aktivistë të organizatës joqeveritare “Realiteti”, duke i mbajtur ata për 5-6 orë pa vullnetin e tyre në lokacion të panjohur për familjarët dhe kolegët e tyre të punës, njoftuan aktivistë të kësaj organizate joqeveritare sot në një konferencë për media. Gjatë bisedës informative, pjesëtarët e shërbimit shtetëror kanë kërcënuar aktivistët е kësaj organizate joqeveritare që do të largohen nga puna ku ata sigurojnë kafshatën e gojës nëse nuk ndërpresin aktivitetin e tyre.

“Ме këtë konstatojmë se shteti ynë mund të jetë çfarëdo por ai nuk mund të jetë i lirë, i drejtë, demokratik dhe për të gjithë njësoj. Këso goditje të ulëta dhe klasike ndërmarrin vetëm qeveritë që nuk kanë kapacitet shtetformues. Nuk mundet që shteti për disa të jetë nënë kurse për disa të jetë njerkë”, thanë aktivistë të “Relitetit”.

Ky sulm dënohet ashpër nga kjo organizatë joqeveritare dhe konsiderohet si sulm qyqar ndaj fjalës së lirë. “Reagimet e vazhdueshme të ‘Realitetit’ janë dëshmi se e duam shtetin tonë dhe se duam ta shohim atë të lirë, të drejtë, demokratik dhe për të gjithë njësoj.

Edhe përkundër këtyre kërcënimeve, ne do të vazhdon të hulumton politikat diskriminuese institucionale ndaj qytetarëve pa dallim etnie, feje etj.”, thanë aktivistë të kësaj organizate joqeveritare që tubon shqiptarë.