Ixhet Memeti: Ka dy mundësi rreth pafajësisë së sopotasve

Avokati i Popullit, Ixhet Memeti, vlerëson se ende nuk janë shterur të gjithë mundësitë për të dëshmuar pafajësinë e banorëve të Sopotit.
Pas vendimit të Gjykatës së Apelit me të cilin konfirmohet vendimi i shkallë së parë për 7 banorët e Sopotit të akuzuar për vënien e minës në vitin 2003 nga e cila humbën jetën dy ushtarë të NATO-s, kanë reaguar të gjitha partitë politike, me përjashtim të VMRO DPMNE-së.
“Vlerësoj se tash ngel mundësia që prokurori, pasi kemi deklaratë se e gjithë ajo që është dëshmuar për rastin e Sopotit është bërë si formë e presionit dhe dhunës prokurori duhet të mos prêt dhe të ngre kërkesë për të vërtetuar në gjykatë dëshminë e tij, se me të vërtetë deklarata është marr me dhunë dhe nëse vërtetohet kjo edhe në bazë të konventës edhe në bazë të ligjeve në Maqedonisë i gjithë procesi bie në ujë. Dhe së dyti duhet shfrytëzohen provat plotësuese, pra provat e reja dhe të kërkohet përsëritje e procedurës. Këta janë dy mundësit, ka edhe mundësi tjera mirëpo këto janë 2 mundësit më serioze përmes të cilave mund të zbardhet deri në fund rasti dhe me të vërtetë të pafajshmit të shkojnë në shtëpitë e tyre”, deklaroi Avokati i Popullit, Ixhet Memeti. /alsat/