Basesku: Rumania nuk do ta njohë pavarsinë e Kosovës

Qëndrimi i Rumunisë ndaj pavarësisë së Kosovës mbetet i pandryshuar, Rumunia nuk do të njohë Kosovën. Këtë qëndrim të kundërshtues ndaj pavarësisë së Kosovës e përsëriti presidenti rumun Trajan Basesku, gjatë vizitës së tij zyrtare në Shkup.

"Qëndrimi ynë në raport me Kosovën nuk ndryshon. Kjo është përgjigja ime. Ne nuk do ta njohim pavarsinë e Kosovës" tha Trajan Basesku.

Këtë qëndrim presidenti rumun e shprehu pas takimit me presidentin maqedonas, Georgi Ivanov. Ivanov, nga ana tjetër tha se incidentet e ndodhura në afërsi të kufirit me Kosovën, nuk do të ndikojnë në raportet mes dy vendeve.

"Me presidentit Basesku biseduam edhe për cështjen e Kosovës. E kemi të njohur qëndrimin e Rumanisë për Kosovën megjithatë biseduam edhe për qëndrimin që mban Maqedonia krahas të gjithë fqinjëve. Për ne Kosova është realitet të cilin ne e njohëm dhe vendosëm marrëdhënie diplomatike. Incidetet që ndodhën janë raste të izoluara dhe shkaktohen nga disa grupe kriminale të cilat janë prezente në çdo" tha Ivanov.

Dy presidentët kanë folur edhe për problemin që ka Shkupi me Athinën lidhur me cështjen e emrit. Basesku i ka dhënë garanci të forta Ivonvit se Rumania mbështet Maqedoninë në proceset euroatlantike.