Dështon edhe një iniciativë për zgjidhjen e statusit të UCK-së

Në Kuvendin e Maqedonisë nuk ka kaluar propozim ligji për zgjidhjen e statusit të ish pjestarëve të Ushtrisë Clirimtare Kombëtare, i cili u parashtua nga dy deputetët shqiptarë në opozitë Abedin Zyberi dhe Daut Rexhepi.

Propozimligji mori mbështetjen e nënte deputetëve të BDI-së qe ishin prezent në sallë dhe dy vota të propozuesve, që nuk ishin të mjaftueshme kundrejt votave të deputëtëve maqedonas.

Propozuesit, për dështimin e iniciativës fajsojnë BDI dhe VMRO-DPMNE-në.

"Definitivisht ranë maskat e koalicionit qeveritarë Gruevski – Ahmeti. Deputetët e BDI-së, nuk ishin në gjendje ta votojnë ligjin e propozuar që të zgjidhet statusi i ushtarëve të UCK-së. Kjo dëshmon se BDI verpon vetëm kur merr urdhëra nga Gruevski" tha deputeti i DR-së, Abedin Zyberi.

Mirëpo, përfaqësuesit e BDI-së, thonë se partia e tyre gjithmon ka qenë pro zgjidhjes së statusit të ish pjestarëve të UCK-së. Ata shprehen të vetëdijshëm se për sjelljen e një ligji të këtillë vetëm votata e shqiptarëve nuk mjaftojnë, andaj thonë se nevojitet dialog me partitë maqedonase për të marrë përkrahjen e tyre.

"BDI çdo herë ka qenë pro sjelljes së një ligji apo pro zgjidhjes së statusit të UCK-së. Por për të sjellë një ligj duhet përkrahja e partnerit të koalicionit. Votat e shqiptarëve në Kuvend nuk mjaftojnë. Gjithsesi nëse do të kishim 61 votë do ta kishim sjellë këtë ligj", tha deputeti i BDI-së, Rafiz Haliti.

Me propozim ligjin e dy deputetëve të shqiptarë parashikohej përkudesje institucionale për familjet e dëshmorëve dhe invalidët e luftës së UÇK-së, përmes punësimit, pensioneve, sigumimit shëndetësorë dhe disa të drejtave tjera të privilegjuara.