Diplomati serb kontrabandën cigare në Austri

Një diplomat i huaj dhe vozitësi i vet, do të duhet të përgjigjen para Gjykatës vendore në Graz të Austrisë. Doganierët austriakë kishin arritur të kapin  diplomatin e akredituar në Serbi, i cili ka kontrabanduar cigare. Sipas një komunikate të Policisë austriake, ai së bashku me një bashkëpunëtor të vetin, në Austri kanë sjellë cigare me një vlerë të përgjithshme prej një milion euro. Dëmi që i është shkaktuar Austrisë, është në shumë të përgjithshme prej 700.000 euro. Ngjarja kishte ndodhur në fillim të vitit 2009, kur një automjet diplomatik i një ambasade në Beograd, ishte tërhequr nga qarkullimi rrugor pasi në të ishin zbuluar më tepër se 180.000 steka cigare. Më pas janë zbuluar edhe disa automjete të tjera të cilat nën emrin e diplomacisë, kanë tentuar që cigaret t’i kontrabandojnë në Austri, për një grup të organizuar kriminelësh serbë.