Zonja Bler mysafire te tajkuni shqiptar Rezart Taçi

Bashkëshortja e Toni Bler, Çeri Bler, ka fituar 200 mijë euro nga biznesmeni shqiptar “kontrovers” Rezart Taçi, për ta vizituar Shqipërinë, shkruan “Dejli Mejl”. Çeri Bler, e cila është avokate dhe luftare për të drejtat e njeriut, javën e kaluar ka qenë privatisht në Shqipëri, përderisa bashkëshorti i saj ka qenë në Prishtinë, për të pranuar nderime për kontributin e tij për pavarësimin e Kosovës. Gazeta e Londrës “Dejli Mejl”, zbulon se biznesmeni shqiptar Rezart Taçi i ka paguar Çeri Bler 200 mijë euro, dhe ka organizuar që ajo të vijë në Tiranë, dhe ai të përmirësojë reputacionin e ulur në Shqipëri. Biznesmeni shqiptar është bërë i pasur duke shitur naftë dhe derivate të saj. Ai është i dyshuar se ka rrahur një gazetar lokal, i cili në njërin nga tekstet e tij e ka gjykuar për korrupsion dhe mospagesë të borxheve ndaj shtetit. Taçi ka mundur të jetë i dënuar me tri vjet burg. “Dejli Mejl” e ka kritikuar Çeri Bler sepse “ka pranuar të jetë mysafire e një personi të tillë”.
Përfaqësuesi i saj për publikun i ka demantuar pohimet e “Dejli Mejl” dhe ka potencuar se ajo nuk ka fituar asgjë në Tiranë, por ka pranuar se ka mbërritur me aeroplanin privat të biznesmeni shqiptar.