Rrufeja mbyt 60 dele në Orllancë të Shkupit

Rreth 60 krerë dele janë mbytur mbrëmë nga rrufeja në fshatin  Orllancë të Shkupit. Pronari i deleve, Xhevat Kadriu thekson se dëmi i përgjithshëmnga kjo fatkeqësi natyrore arrinë në rreth 13 mijë euro. 
Kryetari i Komunës së Haraçinës, Bastri Bajrami thotë se komuna në kuadër të Komisionit për fatkeqësi elementare, do të bëjë proces-verbal për të kërkuar nga Qeveria dëmshëprblimin e banorit të fshatit Orllancë.
Ai fton Qeverinë që të ndihmojë këtë rajon, pasi ndodhet në situatë të vështirë ekonomike dhe se banorët si asnjëherë më parë kanë nevojë për ndihmë nga institucionet shtetërore.