Veliu: Së bashku do të bëjmë Shqipërinë e Bashkuar

Kryetari i Shoqatës së Veteranëve të Luftës së UÇK-së në Maqedoni Fazli Veliu të mërkurën në Gjakovë ka premtuar bashkimin e Shqipërisë, thuhet në një kumtesë të SHVL-UÇK-së. Premtimet e këtilla Veliu i ka bërë  gjatë pjesëmarrjes në shënimin e një vjetorit të vdekjes së veprimtarit Adem Zenelaj, nga Shqiponja e Gjakovës.
“Në emër të Shoqatës së Veteranëve të Luftës së Ushtrisë Çlirimtare Kombëtare, fjalë rasti mbajti Kryetari i saj z. Fazli Veliu, i cili ndër të tjerat tha: “...së bashku do të bëjmë Shqipërinë e Bashkuar! “, thuhet në kumtesën e SHVL-UÇK-së lu shtohet se në këtë përvjetor “të pranishëm në cilësi të përfaqësuesve të ish Brigadave 112, 112 dhe 116 të UÇ Kombëtare morën pjesë edhe z. Alem Veliu, z. Nexhati Jakupi dhe z. Dashmir Ademi”.
 Familja Zenelaj, shquhet për veprimtarinë atdhetare në të gjitha periudhat e sakrificës. Nga kjo familje kanë dalë emra të mëdhenj të veprimtarëve siç është vëllai më i vogël i Ademit, Myrtë Zenelaj, Komandant i Brigadës 132, i rënë Dëshmor në Luftën për Çlirimin e Kosovës.