Myslimanët festojnë Fitër Bajramin

Myslimanët në Republikën e Maqedonisë, si dhe e tërë bota islame, sot e festojnë Fitër Bajramin.

Bajrami është ditë e festimeve dhe falënderimeve ndaj Allahut. Fitër Bajrami shënon përfundimin e agjërimit të muajit të Ramazanit dhe është dita e parë e muajit Shaual. Shumica e myslimanëve e festojnë këtë Bajram të paktën 3 ditë.

Tiranë, falja e Bajramit në bulevardin “Dëshmorët e Kombit

Ndryshe nga herë të tjera besimtarët e Tiranës nuk e kanë kryer ritin e faljes para xhamisë së Et’hem Beut, por në bulevardin “Dëshmorët e Kombit”.

Që herët në mëngjes qindra besimtarë të cilët kanë agjëruar për 30 ditë, sot përmbyllin muajin e madhërishëm të Ramazanit.

Falja është drejtuar nga kreu i komunitetit mysliman, Haxhi Selim Muça.

Myftiu i Kosovës Naim Tërnava, uroi të gjithë besimtarët

Besimtarë mysliman në mbarë botën po festojnë sot festën e Fitër Bajramit. Me këtë rast myftiu i Kosovës Naim Tërnava, uroi besimtarët në Kosovë për paqe e dashuri.

Sot në mbarë Kosovën besimtarët e fesë islame kremtojnë festën e Fitër Bajramit. Manifestimi qendror u mbajt në Xhaminë e Madhe,” Sulltan Mehmet Fatih”, në Prishtinë. Me këtë rast Kryetari i Bashkësisë Islame të Kosovës, Naim Tërnava besimtarëve i’u drejtua me një mesazh ku mes tjerash i fton që të jenë sa më të bashkuar për të krijuar një shoqëri sa më të shëndoshë.

Qysh herët në mëngjes, Xhamia e Madhe “Sulltan Mehmet Fatih” dhe oborri i saj në Prishtinë ishte e mbushur me besimtarët e fesë Islame që dëshironin të jenë pjesë e manifestimit qendror.
Ky manifestim filloi me faljen e namazit të sabahit të cilën e udhëhoqi Musa Avdiu.