SHBA: Mbështesim nismën e Topit për tryezën

Ambasada Amerikane në Shqipëri reagoi për tryezën e paralajmëruar nga presidenti Bamir Topi, duke shprehur mbështetjen e plotë.

"Shtetet e Bashkuara mbështesin plotësisht përpjekjet e Presidentit Topi dhe Këshillit të Evropës për të ndërmjetësuar pas bllokimeve të vazhdueshme politike”, thuhet në deklaratën në faqen online të Ambasadës së SHBA-ve në Tiranë.

Në këtë kontekst, lavdërohet ndërhyrja e presidentit Topi për “mbikëqyrjen e diskutimeve midis qeverisë dhe opozitës që do të fillojë më 13 shkurt”.

“Ne besojmë se ky proces ofron një mundësi të rëndësishme për zgjidhjen pa vonesë të mëtejshme ngecjes e tanishme politike. Ne i bëjmë thirrje të gjitha palëve të përfitojnë nga kjo mundësi. Një zgjidhje të shpejtë të ngecjes do t'u mundësojë palëve që të përqendrohen në proceset integruese”, thuhet më tej. /gazeta start/