Athine, vritet me thike i riu shqiptar

Nje 22 vjecar shqiptar, emri i te cilit nuk behet publik, eshte ekzekutuar ne rrugen “Pratinu” ne lagjen Pagrati te Athines.

Sipas policise, trupi i 22 vjecarit u gjet i pa jete ne korridorin e pallatit ku ai banonte prej fqinjeve te tij.

Policia, qe mberriti menjehere ne vendngjarje, tha se viktima kishte ne trup disa plage te shkaktuar nga nje mjet preres, ndoshta thike.

Ndonese krimi ndodhi rreth ores 20, sipas ores lokale, askush prej banoreve te pallatit nuk pa ose degjoi dicka te pazakonte.

Fqinjet thane jashte kamerave se i riu i ekzekutuar kishte pak kohe qe kishte marre me qera nje banese ne rrugen “Pratinu” dhe se ai nuk komunikonte pothuaj fare me banoret e tjere te pallatit.

Fqinjet thane se behet fjale per nje person qe kishte sjellje normale dhe pak njerez e vizitonin ne banesen e tij.

Trupi i pa jete i 22 vjecarit u dergua ne morgun e Athines per ekspertize mjeko-ligjore, ndersa policia ka filluar hetimet ne rrethin e personave te njohur te viktimes per te gjetur edhe autoret e ketij krimi.