Plaka bandite plaçkit banka

FBI ka zbuluar fotografitë e një zonje të moshuar e cila të premten e kaluar i ka plaçkitur dy filiale të bankës “Compass” në Houston, e nuk është mërzitur fare aq të mbulojë fytyrën e saj.

Fotografia e publikuar shfaq një plaçkitëse të çuditshme të bankave të cilën autoritetet tanimë e quajnë me emrin Gjyshja Bandite. Edhe pse kjo plakë nuk duket si plaçkitëse e rëndomtë e bankave, kjo nuk e ka ndaluar që brenda një ore të plaçkit dy filiale të bankës “Compass” të cilat gjenden në Houston.

Nga fotografitë e kamerave të përgjigjimit të bankës duket së Gjyshja Bandite ka në mes të 55 e 65 vjet. Ka flokë të thinjura dhe bart syze.

Plaçkitësit e bankave zakonisht dinë të arsyetojnë veprimet e tyre me fatura të mëdha të mjekut apo me papunësinë, mirëpo kjo plakë ka ikur në një automjet të bardhë sportiv në drejtim të panjohur.

“Çdo ditë e më shumë gra në SHBA vendosin të ndërmarrin këso veprime kriminale, por kjo ende është një përqindje e vogël”, ka deklaruar agjentja speciale e FBI-së Shauna Dunlap. "Mirëpo nuk ka dyshim që bëhet fjalë për një grua të moshuar, që e bën këtë rast shumë bizar", ka shtuar ajo.

FBI ofron shpërblim prej 5.000 dollarësh për të gjitha informatat të cilat do të sillnin deri tek kapja e Gjyshes Bandite.