Prokurorët akuzojnë udhëheqësin e “Milionerit” në Gjermani

Günther Jauch, moderatori 53 vjeçar gjerman, i cili udhëheq emisionin e popullarizuar: Kush do të bëhet milioner? në Gjermani, gjatë emisionit ka bërë një lapsus, i cili mund ta dërgojë edhe në burg. Me parashtrimin e pyetjeve në "Milioner", ai shpeshherë ka zgjuar kërshëri tek opinioni i gjerë. Por, ai tani i tejkaloi të gjithë kufijtë, duke u bërë shënjestër e ligjvënësve gjermanë. "Cila vepër kundërvajtësve në parim, në Gjermani është e padënueshme?". Sipas tij, përgjigjja e saktë ka qenë: ikja nga burgu. Menjëherë pas kësaj ka reaguar sindikata e burgjeve, e cila është vënë në ndjekje të tij. Ata e kritikuan atë ashpër duke e korrigjuar se përgjigjja e saktë mund të jetë shpëtimi nga burgu. Edhe një akuzë e rëndon moderatorin gjerman. Prokuroria akuzon se ai me këtë pyetje ka inspiruar të burgosurit për të ikur nga burgu. Televizioni RTL, në të cilin emetohet emisioni i lartpërmendur, ende nuk ka marrë ndonjë qëndrim të caktuar për akuzat.