Fatmirja e Kosovarja po ia zbardhin fytyrën shqiptarëve

A ka më mirë se të jenë dy shqiptare në çerekfinalet e mëdha evropiane. Kjo është për çdo mburrje për të gjithë shqiptarët kudo që janë dhe veprojnë. Nuk ka më mirë se kur dëgjon: Fatmire Bajramaj kreatore e fitores apo futbollistja më e mirë e kombëtares gjermane. Nuk ka më krenari se kur dëgjon: Kosovare Asllani shkëlqen në fushë ose ajo shpërtheu me gol për kombëtaren suedeze. Dy futbolliste të shkathta shqiptare, Fatmire Bajramaj dhe Kosovare Asllani, me padurim presin përballjet çerekfinale të Kampionatit Evropian që po mbahet në Finlandë. Fatmire Bajramaj që luan në kombëtaren e Gjermanisë më 4 shtator përballet me Italinë në ora 15.00. Futbollistja Kosovare Asllani më 4 shtator ballafaqohen më kombëtaren e Francës. Kjo ndeshje zhvillohet në ora 19.00. Dy futbolliste shqiptare nga Kosova, që zbardhin fytyrën e shqiptarëve kudo që janë e veprojnë dhe që dëshmojnë se edhe femrat shqiptare dinë të luajnë futboll të bukur madje edhe të jenë faktore në kombëtaret e tyre.